×

هشدار

JUser: :_بارگذاری :نمی توان کاربر را با این شناسه بارگذاری کرد: 830

خواتین اور مردوں کے لئے مفید ورزشیں

دی 23, 1393 566

ہدایات :۔ کوئی بھی ورزش شروع کر نے سے پہلے ان باتوں کا خیا ل رکھئے ۔ 1- اگر آپ کی عمر 25 سال یا اس سے زیادہ ہے ۔ تو کسی

ماہر معالج سے اپنا طبی معائنہ کرا لیں ۔ 2- دل کے مریض اپنے معالج سے مشورہ کر لیں ۔ 3- ورزش کے اوقات کا ر آہستہ آہستہ بڑھائیں ۔ 4- باقاعدہ ورزشیں شروع کر نے سے پہلے اپنے جسم کو گرمالیں ۔ یعنی اگر صبح کے وقت ورزش شروع کرنے لگیں تو آنکھ کھلتے ہی اپنے جسم کو بستر پر پھیلا لیں ۔ ٹانگیں اوپر اٹھائیں اور خیا لی طور پر سائیکل چلا ئیں۔ 5- ورزش کے دوران اگر جسم میں کھچا ؤ محسو س ہو یا سانس پھول جا ئے تو ورزش بند کر دیں ۔ آج کل مرد اور خواتین موٹاپے سے عا جز آئے ہو ئے ہیں اور اس سے نجا ت حاصل کرنے کے لیے قیمتی دواؤں اور سلمنگ کلینکوں کا رخ کر تے ہیں ۔ اکثر مستورات ڈائٹنگ کا سہارا لیتی ہیں جس سے جسم دبلا ہو جاتاہے ۔ مگر کئی دوسرے عوارض لا حق ہو جاتے ہیں ۔آسان ورزشوںسے کو لہے ، پیٹ اور رانوں کی چر بی گھل جا تی ہے اور جسم سماٹ اور خوبصورت نظر آنے لگتا ہے۔ یہ آسان ورزشیں آپ گھر میں ہی کر سکتے ہیں ۔ مردوں کے لیے ورزشیں 1- سیدھے کھڑے ہو جائیں ۔ پا ؤں کھلے رکھیں ۔ باز و سر سے اوپر اٹھا ئیں اور آہستہ آہستہ جھک کر زمین کو چھونے کی کو شش کریں اوپر اٹھ کر پیچھے کی طر ف جھکیں ۔ 2- پشت کے بل لیٹ جائیے ۔ دونوں پاؤں کے درمیان چھ انچ کا فاصلہ رکھیں ۔ بازو پہلوؤں کے برابر ہوں۔ اسی حالت میں اُٹھ کر سیدھے بیٹھ جائیں مگر ٹانگیں آگے کو سیدھی پھیلی رہیں اور پا ؤں زمین پر جمے رہیں ۔ 3- منہ کے بل لیٹ جا ئیں ۔ دونوں ہتھیلیوں کو رانوں کے نیچے رکھیں پھر آہستہ آہستہ سر ، کندھے اور دونوں ٹانگیں اٹھا ئیں ، ٹانگیں بالکل سیدھی رہیں اور دونوں رانیں ہتھیلیوں سے جدا ہوں۔ 4- منہ کے بل لیٹ کر ہا تھوں کو کندھوں کے نیچے رکھیں ۔ ہتھیلیاں زمین سے لگی رہیں ۔ جسم کو اس طر ح اٹھا ئیں کہ صرف ہتھیلیاں اور پاؤں کی انگلیاں زمین سے لگی رہیں کمر سیدھی رہے ، چھا تی کو ہر بار زمین سے لگنا چاہئیے۔ خواتین کی ورزشیں 1- سیدھی کھڑی ہو جائیں ۔ دونوں پیروں کے درمیان ایک فٹ کا فاصلہ ہو بازو سر سے اوپر اٹھائیں ۔ اب فر ش کو چھونے کے لیے آگے جھکیں پھر اوپر اٹھیں اور دوبارہ فرش کو چھوئیں ۔ دو منٹ میں جتنی بار ایسا ہو سکے کریں۔ 2- سیدھی کھڑی ہو کر پاؤں ملا ئیں ۔ بازو پہلو ؤں پر ہوں۔ اب بائیں ٹانگ مو ڑ کر جہاں تک اٹھ سکے، سینے کی طر ف اٹھائیں ۔ پھر پنڈلی کو ہاتھوں سے پکڑ کر اوپر کی طرف کھینچیں ، کمر بالکل سیدھی رہے ۔ اب پاؤں زمین سے لگا دیں ۔ دوسری ٹانگ سے بھی اس طر ح کریں ۔ 3- سید ھی کھڑی ہو جائیں ۔ دونوں پاؤں کے درمیا ن ایک فٹ کا فاصلہ ہو بازو پہلوؤں پر ہوں۔ اب کمر سیدھی رکھ کر بائیں پہلو کی طر ف جھکیں، ہا تھ جسم پر پھسلنا چاہئیے ۔ تھوڑا سا نیچے کو دباؤ بھی ڈالیں ۔ اس کے بعد دوسرے پہلو کی طر ف جھکیں ۔ اس ورزش کو تین بار دہرائیں ۔ 4- سیدھی کھڑی ہو جائیں ۔ پیروں کے درمیان ایک فٹ کا فاصلہ رکھیں ۔ ہاتھ پہلوؤں پر ہوں ۔ اب دونوں ہاتھوں کو آگے پیچھے جھلا ئیں ۔ پہلے ایک منٹ تک آگے سے پیچھے کی طرف اور پھر دوسرے منٹ میں پیچھے سے آگے کی طر ف جھلا نا چاہئے۔

Login to post comments